Երեւանի ընդհանուր իրավասության դատարանում այսօր ՊԵԿ նախկին նախագահ Գագիկ Խաչատրյանի գործով դատական նիստին մեղադրող դատախազը Գագիկ Խաչատրյանին կալանավորելու վերաբերյալ միջնորդություն ներկայացրեց:
Դատախազը նկատեց, որ 2020 թվականից այս կողմ դատարանի կողմից նշանակված 14 նիստից ոչ մեկ չի կայացել, միայն 12 նիստ հետաձգվել է Խաչատրյանի՝ վատառողջ լինելու պատճառաբանությամբ, մի նիստը՝ պաշտպան Երեմ Սարգսյանի չներկայանալու պատճառով, մյուս նիստը՝ ամբաստանյալների պատճառով։
Այսօր շտապ օգնության ուղեկցությամբ դատական նիստի եկած Խաչատրյանը, ըստ մեղադրողի, ողջ ժամանակահատվածում ստացիոնար եղանակով բժշկական օգնություն չի ստացել։ Մեղադրողի դիտարկմամբ, այս ամենը միտված է նիստերը ձգձգելուն, ապա Խաչատրյանի՝ դատական նիստերին չներկայանալը գնահատել անհարգելի։
Փաստաբան Երեմ Սարգսյանն էլ միջնորդեց թույլատրել Խաչատրյանին մեկնել արտասահման՝ անհապաղ վիրահատության ենթարկվելու համար։ Պարոն Սարգսյանը նկատեց, որ այս միջնորդության քննությունը ոչ իրավաչափորեն դատախազության առարկություններով և դատարանի որոշումների արդյունքում հետաձգվում է արդեն ամիսներ շարունակ, ինչը, ըստ նրա, կարող է հանգեցնել անդառնալի հետևանքների։
Կարդացեք նաև
Արփինե ՍԻՄՈՆՅԱՆ
