ԱԺ-ում շարունակվում է Կոռուպցիայի կանխարգելման հանձնաժողովի անդամի պաշտոնում առաջադրված՝ հանձնաժողովի նախկին նախագահ Հայկուհի Հարությունյանի ընտրության հարցը:
ՔՊ խմբակցության պատգամավոր Մարիա Կարապետյանն ասաց, որ եթե իրենք այս բոլոր հարցադրումները, որոնք երկու օր է՝ անում են տիկին Հարությունյանին, անեին նրա պաշտոնավարման ընթացքում, աղմուկ կբարձրանար ու կասեին, թե միջամտում են հանձնաժողովի աշխատանքներին. «Դուք այս ամբիոնից ասում եք՝ զգույշ եղեք Կոռուպցիայի կանխարգելման հանձնաժողովի հետ, մի վստահությունը խաթարեք, բա նույնը նաեւ մեզ է վերաբերվում: Երբ լրագրողները ձեզ ասում են՝ նեղ կազմով ՔՊ պատգամավորները ձեզ հրավիրել են հանդիպման եւ ճնշել, ինչո՞ւ չեք ասում, որ դա նեղ կազմով հանդիպում չի, դա հանդիպում է ֆրակցիայի եւ ձեր միջեւ: Այսինքն, մեր համբավը, մեր բարեվարքությունը արժեք չունի՞:
Ասում եք՝ մեղմ պետք է լինել հանձնաժողովի, նրա անդամների պատվի, բարի համբավի նկատմամբ, այո՛, իհարկե, պետք է մեղմ լինենք, մարդկային համբավն առհասարակ շատ փխրուն բան է եւ պետք է շատ զգույշ վարվել դրա հետ: Դուք փորձագետներին դուրս եք մղել իրենց իսկ գործունեության ոլորտից՝ վնասելով նրանց բարի համբավը, ընդ որում, այդ փորձագետները պատահական մարդիկ չեն, ոչ էլ, ասենք, ֆաշիստական գաղափարներ են ունեցել, որ կարելի էր իրենց գործատուներին վատ ազդակ ուղղել: Այդ մարդիկ ճանաչված, իրենց դաշտում մեծ համբավ ունեցող մարդիկ են եղել»:
Կարդացեք նաև
Հռիփսիմե ՋԵԲԵՋՅԱՆ
