🔶️Հայ Առաքելական եկեղեցու Շիրակի թեմի սոցիալ-կրթական կենտրոնի տարածքում կգործի բարեգործական ճաշարան՝ Լեռնային Ղարաբաղից բռնի տեղահանված 50 անձանց համար:
🔶️Ծրագիրը կյանքի է կոչվել ֆրանսիական «Լույս» բարեգործական հիմնադրամի, Հայ Առաքելական եկեղեցու Շիրակի թեմի և «Խաչմերուկ» հիմնադրամի համատեղ ջանքերով։
🔶️Ճաշարանի բացման առիթով կազմակերպված միջոցառմանը ներկա էին Շիրակի թեմի առաջնորդ Միքայել արքեպիսկոպոս Աջապահյանը, Գյումրի համայնքի ղեկավար Վարդգես Սամսոնյանը, համայնքի ղեկավարի գլխավոր խորհրդական Հայկ Սուլթանյանը, հյուրեր:
🔶️Ողջունելով ներկաներին, Վարդգես Սամսոնյանն իր խոսքում կարևորել է ծրագիրը, խոսել նախաձեռնության մասին, ապա ավելացրել. «Շատ կարևոր են նմանօրինակ ծրագրերը, բայց առավել կարևոր է այն, որ կարողանում ենք դժվարին օրերին մեկս մյուսին ձեռք մեկնել: Մենք կանգնած ենք մեր հայրենակիցների կողքին, մենք էլ մեր հերթին աշխատում ենք նրանց հետ, աջակցում մեր ունեցած հնարավորությունների շրջանակներում»:
Կարդացեք նաև
🔶️Ողջույնի խոսքով հանդես են եկել նաև Շիրակի թեմի առաջնորդ Միքայել արքեպիսկոպոս Աջապահյանը, «Լույս» ասոցիացիայի նախագահ Լևոն Խաչատրյանը:
🔶️Բարեգործական ճաշարանը գործելու է դեկտեմբերի 1-ից ապրիլի 1-ը, օրական մեկ անգամ տրվելու է տաք սնունդ: Շահառուների հետ աշխատելու են նաև հոգեբաններ:
✅Լրացուցիչ ֆինանսավորում լինելու պարագայում՝ ժամկետները կերկարաձգվեն։
✅Ճաշարանը բարերարները կոչում են ֆրանսիական «Լույսի ընթրիքներ»
Գյումրու համայնքապետարան
