ՀՀ ԱԺ պատգամավոր Գառնիկ Դանիելյանը «Հայելի» ակումբում անդրադառնալով Սամվել Բաբայանի հայտարարությանը, թե Արցախի հարցը ոչ մի ժամանակում լուծված չի եղել, մենք բոլորս ենք մեղավոր Արցախի հանձնման համար եւ որ 20 տարի Հայաստանի եւ Արցախի ղեկավարությունները, այդ թվում՝ Նիկոլ Փաշինյանը, չեն թողել, որ մի բան արվի, ասաց, որ նման երեւույթները իր համար նորություն չեն։ «Սամվել Բաբայանից առաջ «Լուսավոր Հայաստան» կուսակցության փոխնախագահ Գորգիսյանը թողեց իր պաշտոնը։ Հիմա Սամվել Բաբայանի խոսքերից է ստացվում, որ նա Նիկոլ Փաշինյանին համարում է դավաճան։ Սա պատահական չէ։ Բոլոր հարցումները ցույց են տալիս, որ ընտրությունների գնալու դեպքում այս իշխանությունը վարչական լծակներով ունի առավելագույնը 10-15 տոկոս վարկանիշ։ Եվ նրա սատելիտ ուժերը, որոնք ծառայել են նրան, տարիներ շարունակ աջակցել, արել բոլոր սեւագործ աշխատանքները, փորձելու են ավելի կոշտ ընդդիմադիր դիրքերից հանդես գալ, ցույց տալ, թե իրենք ինչքան են դեմ եղել թե նախկինում, թե հիմա գործող իշխանությունների վարած քաղաքականությանը։ Նրանք փորձելու են գահավիժող իշխանության էլեկտորատը բերել իրենց դաշտ։ Բայց մոռանում են, որ մեր ժողովրդի հիշողությունն այդքան էլ կարճ չի։
Երբ Արցախի հետ կապված իրողությունների մեջ Սամվել Բաբայանը մեղադրում է իշխող կուսակցությանը, կարծում եմ, այդ պլանները Նիկոլ Փաշինյանի անմիջական մասնակցությամբ կազմվել են Արցախը ուրախ եւ երջանիկ հանձնելուց հետո Գուրգեն Արսենյանի ու Անդրանիկ Քոչարյանի հետ հանդիպման ժամանակ, որ լուսանկարներն էլ տարածվեցին համացանցում։ Կարծում եմ, տրվել են հստակ հրահանգներ՝ երբ պետք է խոսի, ինչ պետք ասի, այս պահին ինչ դիրքավորում ունենա, որպեսզի հետագայում իրեն եւ մյուս ուժերին օգտագործեն ըստ անհրաժեշտության։ Բայց կրկնում եմ, ժողովրդի հիշողությունը կարճ չէ եւ վստահ եմ, որ ժողովուրդը այս կուտը չի ունի»,-ասաց Գառնիկ Դանիելյանը։
Պատգամավորի կարծիքով Սամվել Բաբայանի գնահատմամբ առաջիկայում, դա կլինի մի քանի ամիս, մեկ տարի, թե տարիուկես հետո, լինելու են նոր ընտրություններ ու բոլորն էլ հասկանում են, որ Նիկոլ Փաշինյանը չունի բավարար վարկանիշ։ Դրա համար փորձելու են Նիկոլ Փաշինյանի սատելիտ ուժերով ապահովել 50+1 ձայներ։
Գառնիկ Դանիելյանի խոսքով, եթե անգամ ընդունենք, որ Սամվել Բաբայանի խոսքերն անկեղծ են, ապա ի՞նչ գնահատական տալ նրան, որ նա գրեթե ամենօրյա ռեժիմով հանդիպում է Նիկոլ Փաշինյանին, իշխող ուժի ղեկավարությանն ու նախարարներին, նրանց հետ ժամանակ անցկացնում։
Կարդացեք նաև
Աշոտ ՀԱԿՈԲՅԱՆ
