Դեռ սեպտեմբերի 20-ին Վերաքննիչ քրեական դատարանն արձանագրել էր, որ հոկտեմբերի 15-ից հետո գեներալ-գնդապետ Գրիգորի Խաչատուրովին կալանքի տակ պահելն իրավաչափ չէ, եթե ի հայտ չգան նոր, ծանրակշիռ հանգամանքներ։ Նոյեմբերի 27-ին դատարանը Խաչատուրովի խափանման միջոցի վերաբերյալ որոշում պիտի կայացներ, բայց նիստը հետաձգեց:
«Այդ նույն Վերաքննիչ դատարանը դրանից առաջ արդեն երկարացրած կալանքի վերաբերյալ դիրքորոշում էր հայտնել, որ հոկտեմբերի 15-ից ավելի երկարացնելը սխալ է եղել: Հիմա փաստացի բողոք ենք տարել, որ հոկտեմբերի 15-ից հետո էլի երկու ամսով երկարացվել է, ու նույն դատավորի մոտ է ընկել բողոքի քննությունը, այն դատավորի, որ գրել էր երկարացնելը իրավաչափ չէ: Նոր հանգամանքներ էլ առաջ չեն եկել, հետեւաբար, գտնում ենք, որ դատարանը պետք է վերահաստատի իր նախորդ որոշումը: Հիմա ոչ թե այդ վերահաստատումը չի եղել այլ դրա վերաբերյալ որոշում կայացնելը հետաձգվել է: Հաջորդ նիստը նշանակվել է դեկտեմբերի 1-ին: Խափանման միջոցի փոփոխության միտումը հենց ձգձգելն եմ տեսնում, միգուցե չեն կողմնորոշվում դատական համակարգում: Չեմ բացառում ճնշումները», մեզ հետ զրույցում ասաց Խաչատուրովի պաշտպաններից Հակոբ Ենոքյանը:
Արփինե ՍԻՄՈՆՅԱՆ
Կարդացեք նաև
