Հայաստանի ԶԼՄ-ների դիտորդ մարմինը քննության է առել «Լեւոն Բարսեղյանն ընդդեմ «Առավոտի» վեճը, որի քննման արդյունքում ԴՄ որոշման արդյունքում եւ վեճի կողմերի ցանկութամբ որոշվել է վեճի կողմերին հնարավորություն տալ իրենց տեսակետները ներկայացնել տեսազրույցի միջոցով։
Արցախցիների բռնի տեղահանութունից հետո Արցախի ԱԺ պատգամավոր Մետաքսե Հակոբյանը մամուլում հայտարարեց, որ ՀՀ կառավարությունը պարտավոր է վճարել արցախցի պատգամավորների աշխատավարձերը, որովհետեւ Արցախի բյուջեի միջոցները այժմ տնօրինում է Հայաստանը։
Հոկտեմբերի 15-ին Aravot.am կայքում հրապարակվեց մի նյութ, որը վերաբերում էր պատգամավորի հայտարարությանը հաջորդած ֆեյսբուքյան գրառումներին եւ հայհոյախառն վիրավորական մեկնաբանություններին։
Նյութի հրապարակումից հետո Հայաստանի ԶԼՄ-ների էթիկայի Դիտորդ մարմին դիմեց Ժուռնալիստների «Ասպարեզ» ակումբի նախագահ Լեւոն Բարսեղյանը։ Նրա պնդմամբ՝ նյութի վերնագիրը մանիպուլյատիվ է եւ ապակողմնորոշող։
Կարդացեք նաև
Հոկտեմբերի 26-ին հակընդդեմ բողոքով Դիտորդ մարմին դիմեց Aravot.am-ը՝ խնդրելով պարզել, արդյոք կայքում հրապարակված հիշյալ հոդվածի առիթ դարձած՝ Լեւոն Բարսեղյանի ֆեյսբուքյան հրապարակումը համապատասխանում է «Հայաստանի լրատվամիջոցների եւ լրագրողների էթիկական սկզբունքների կանոնագրին» եւ ԶԼՄ-ների էթիկայի Դիտորդ մարմնի անդամի դերին։
Դիտորդ մարմինը քննության արդյունքում շուտով կհրապարակի իր փորձագիտական եզրակացությունը, իսկ մինչ այդ հնարավորություն է տրվել կողմերին՝ զրույցի միջոցով ներկայացնելու իրենց դիրքորոշումները եւ հաշտության հնարավորություն գտնել։
Լևոնը շատ ճիշտ է։ Ինչու է ձեր լրագրողը ներկայացնում մի շատ կասկածելու ու սկանդալային ԼՂ պատգամավորի վերաբերյալ գրախը, որպես հակա-արցախյան արշավ, ով է նման հանձնարարական տվել։ Աննա Իսրաելյան դուք պետք է ամաչեք նման դատողությունների համար։ Եթե նույնիսկ իմ այս քոմենթը չգրեք կկարդաք