«ՀՀ-ի կողմից հրապարակվել է «Խաղաղության խաչմերուկ» նախագիծը. ի՞նչ երաշխիքներ կան, որ այդ նախագիծը կյանքի կոչելու դեպքում սահմանային եւ մաքսային վերահսկողությունը հենց ՀՀ սահմանապահների ու մաքսայինների կողմից է իրականացվելու: Մինչեւ օրս «Զվարթնոցում» ռուս սահմանապահն է, երաշխիք կա՞, որ Ադրբեջանը կընդունի ՀՀ-ի առաջ քաշած սկզբունքները»,- այսօր քաղաքացիների հարցերին պատասխանելիս ՀՀ վարչապետ Նիկոլ Փաշինյանին այս հարցն ուղղեց Վայոց ձորից Լաուրա Սիմոնյանը:
Վարչապետը պատասխանեց, որ «Խաղաղության խաչմերուկի» սկզբունքներից մեկն այն է, որ յուրաքանչյուր երկիր իր պետական ինստիտուտների միջոցով իր տարածքում իրականացնում է սահմանային հսկողություն եւ իրականացնում է անվտանգությունը. «Ադրբեջանի առաջին արձագանքը հետեւյալն է, որ իրենք կարծես այլեւս հետաքրքրված չեն այդ նախագծով, որովհետեւ այդ նախագիծը կոմունիկացիաների այլեւս իրականացնում են Իրանի հետ: Մենք բացարձակապես դեմ չենք, բայց մեր առաջարկը դա է»:
Հռիփսիմե ՋԵԲԵՋՅԱՆ
