ՀՀԿ փոխնախագահ Արմեն Աշոտյանի պաշտպանները հաջորդ դատական նիստին միջնորդություն են ներկայացնելու՝ Արմեն Աշոտյանի դեմ հարուցված քրեական վարույթը կարճելու մասին: Այդ մասին այսօր հերթական նիստի ավարտից հետո, լրագրողների հետ զրույցում հայտարարեց Արմեն Աշոտյանի պաշտպան Տիգրան Աթանեսյանը:
«Վերաքննիչ հակակոռուպցիան դատարանը, այս անգամ, այս դատարանի կալանքի մասին որոշումը, որը թողել էր ուժի մեջ, շատ հետաքրքիր ձեւով վերահաստատել է, որ հիմնավոր կասկած, ամեն դեպքում, փողերի լվացումով, չկա»,-հայտարարեց Տիգրան Աթանեսյանը՝ մանրամասնելով, որ փաստորեն, դատաքննության փուլում արդեն կայացվել է օրինական ուժի մեջ մտած դատական ակտ, որով ոչ միայն մեղադրանքը չի հաստատվում, այլեւ նվազագույն շեմը, հիմնավոր կասկածը չի հաստատվում:
Այլ մանրամասները՝ տեսանյութում
Կարդացեք նաև
Պաշտպաններից Ռուբեն Մելիքյանն էլ հավելեց, որ Վերաքննիչ դատարանի որոշումը հիմք է՝ Արմեն Աշոտյանի նկատմամբ քրեական հետապնդումը դադարեցնելու մասին:
Այլ մանրամասները՝ տեսանյութում
Հիշեցնենք, այսօր Հակակոռուպցիոն դատարանում շարունակվում էր ՀՀԿ փոխնախագահ Արմեն Աշոտյանի եւ մյուսների գործով դատական նիստը: Հիշեցնենք նաեւ, որ ՀՀԿ փոխնախագահ Արմեն Աշոտյանի եւ մյուսների գործով նախնական դատական լսումները Հակակոռուպցիոն դատարանում մեկնարկել են հոկտեմբերի 9-ին: Արմեն Աշոտյանն արդեն հինգ ամիս է կալանավորված է, նրա կալանքի ժամկետը եւս երեք ամսով երկարացվել է: Նա մեղադրվում է պաշտոնեական լիազորությունները չարաշահելու, փողերի վատնման, փողերի լվացման մեջ:
Նելլի ԳՐԻԳՈՐՅԱՆ
