Կառավարությունն այսօրվա նիստում չզեկուցվող հարցերի փաթեթով ընդունեց որոշում, ըստ որի՝ փոխհատուցվում է Արցախից բռնի տեղահանված եւ ՀՀ բուհերում եւ քոլեջներում ուսումը շարունակող ուսանողների ուսման վարձը։
ԿԳՄՍ նախարար Ժաննա Անդրեասյանը զեկուցեց, որ կփոխհատուցվի բուհերում սովորող 1836 ուսանողի (1728 բակալավրի, 108-ը՝ մագիստրոսական ծրագրով) 2023-2024 ուստարվա 1-ին կիսամյակի ուսման վարձը։ Փոխհատուցման համար հատկացվում է ընդհանուր 440 միլիոն դրամ։
Ինչպես նաեւ կփոխհատուցվի քոլեջներում սովորող 2524 ուսանողների ուսման վարձը, կրկին՝ 2023-2024 ուստարվա 1-ին կիսամյակի համար։ Այս ծրագրի համար էլ կտրամադրվի ընդհանուր 402 միլիոն դրամ։
Նախարարն ասաց, որ փոխհատուցումը տրամադրվում է կրթական գործընթացում արդեն իսկ ընդգրկված Արցախից բռնի տեղահանված ուսանողներին․ «Եթե ի հայտ կգան լրացուցիչ տվյալներ, ապա լրացուցիչ որոշում կկայացվի»։
Կարդացեք նաև
Մանրամասն՝ տեսանյութում
Նելլի ԲԱԲԱՅԱՆ
