Բաքվում ընթացող «Ապագաղութացում. կանանց իրավունքների և հնարավորությունների ընդլայնում» միջազգային համաժողովի շրջանակներում Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը լրագրողների հետ զրույցում ասել է, որ Ադրբեջանն առաջինն է հանդես եկել Հայաստանի հետ խաղաղության պայմանագիր կնքելու նախաձեռնությամբ, սակայն «այդ երկրի իշխանությունները պետք է հասկանան, որ խաղաղության արմատները գտնվում են տարածաշրջանում, այլ ոչ թե Վաշինգտոնում»։ Նա ընդգծել է, որ Հայաստանը պետք է նպաստի երկկողմ բանակցություններին, այլ ոչ թե փորձի երրորդ կողմեր «ներքաշել» տարածաշրջանում տիրող իրավիճակին։
🔹«Մեզ համար պատերազմն ավարտվել է, նոր ստատուս քվո է ի հայտ եկել։ Նախկին ստատուս քվոն անընդունելի էր, իսկ ներկայինը հիմնված է միջազգային իրավունքի վրա։ Հետևաբար, խաղաղության համաձայնագրի ստորագրման համար որևէ խոչընդոտ չի մնացել:
🔹Հայաստանի ագրեսիվ և նվաճողական քաղաքականության պատճառով դռները փակ են մնում, եթե Հայաստանը տարածաշրջանում դրական օրակարգով հանդես գա, հարաբերությունները, իհարկե, կարող են կարգավորվել»,- ասել է նա։
