«Որքանով ես եմ տեղյակ, Սամվել Շահրամանյանին քննիչ հանձնաժողով հրավիրել են ոչ թե որպես Արցախի նախագահի, այլ որպես 2018-2020 թվականների ընթացքում ԱԱԾ նախկին տնօրենի»,- այսօր ԱԺ ճեպազրույցների ժամանակ ասաց «Պատիվ ունեմ» խմբակցության պատգամավոր Տիգրան Աբրահամյանը։
Հիշեցնենք, որ 44-օրյա պատերազմի հանգամանքներն ուսումնասիրող ԱԺ քննիչ հանձնաժողովի նախագահ Անդրանիկ Քոչարյանը հրավեր է ուղարկել նաեւ Արցախի նախագահ Սամվել Շահրամանյանին։
Տիգրան Աբրահամյանն ասաց․ «Առաջին բանը, որն իմ մտքով անցել է, հետեւյալն է՝ շատ տարօրինակ է, որ քննիչ հանձնաժողով չեն հրավիրվել այդ ժամանակահատվածում ՀՀ ԱԱԾ տնօրենները, տարբեր ուժային կառույցի ղեկավարներ, կամ թեկուզ 44-օրյա պատերազմի օրերին Արցախի ԱԱԾ-ն ղեկավարած անձը։ Եվ այս իրավիճակում հրավիրվել է Սամվել Շահրամանյանը։ Մեծ առումով արդեն իսկ ակնհայտ է, թե դա ինչ նպատակ ունի»,- ասաց նա։
Աբրահամյանը հավելեց, որ քննիչ հանձնաժողովի հետ կապված իրենց դիրքորոշումները տարբեր փուլերում հայտնել են։
Կարդացեք նաև
Ռոզա ՀՈՎՀԱՆՆԻՍՅԱՆ
