Բաքուն հրաժարվել է նոյեմբերի 20-ին Վաշինգտոնում Ադրբեջանի և Հայաստանի արտգործնախարարների հանդիպումից․ տեղեկանում ենք Ադրբեջանի ԱԳՆ-ի հայտարարությունից․ «ԱՄՆ-ն տարածաշրջանային երկիր չէ, նրա գործողություններն ու հայտարարությունները վնասում են տարածաշրջանի երկրների ջանքերին տրանսպորտային անվտանգության ոլորտում»։
ԱՄՆ պետքարտուղարի օգնական Ջեյմս Օ’Բրայենի՝ Ներկայացուցիչների պալատում Լեռնային Ղարաբաղի հարցով լսումների ժամանակ արված հայտարարությունների վերաբերյալ Ադրբեջանի ԱԳՆ արձագանքում ասվում է․
«Ջեյմս Օ’Բրայենի միակողմանի և կողմնակալ մեկնաբանությունները անհիմն և անընդունելի են։ ԱՄՆ-ի միակողմանի մոտեցումը կարող է պատճառ դառնալ, որ ԱՄՆ-ն կորցնի միջնորդի իր դերը: Այս պայմաններում մենք հնարավոր չենք համարում 2023 թվականի նոյեմբերի 20-ին Վաշինգտոնում Ադրբեջանի և Հայաստանի արտգործնախարարների մակարդակով հանդիպում անցկացնելը»,- ասվում է մեկնաբանության մեջ։
Բաքուն նաև «անտեղի է համարում» ամերիկացի բարձրաստիճան պաշտոնյաների այցերը Ադրբեջան։
