Ադրբեջանի թվային զարգացման և տրանսպորտի նախարար Ռաշադ Նաբիևը «Միջազգային տրանսպորտային-լոգիստիկ միջանցք. զարգացման ազդակներ Զանգելանից» թեմայով միջազգային համաժողովում ասել է, որ, այսպես կոչված, Զանգեզուրի միջանցքի ընդգրկումն Ադրբեջանի «ազատագրված տարածքների ճանապարհային քարտեզում» կարող է խթան դառնալ Միջին միջանցքի զարգացման համար։ Նա նշել է, որ, այսպես կոչված, Զանգեզուրի միջանցքը մեծ ներուժ ունի որպես Միջին միջանցքի մաս Արևելքի և Արևմուտքի միջև փոխադրումների ոլորտում:
🗣«Խորհրդային Միության տարիներին Զանգեզուրի միջանցքով փոխադրվում էր 7-12 մլն տոննա բեռ։ Բայց, ցավոք, Հայաստանը, ի հեճուկս եռակողմ հռչակագրի, վերջին երեք տարիների ընթացքում չի բացել միջանցքը։ Այնուամենայնիվ, միշտ կան այլընտրանքներ և այլ տարբերակ»,- ասել է Նաբիևը:
