«2020-ի հրադադարի պայմանագրի հետևանքով՝ ռուսական զորքերը փաստացի վերահսկում են ՀՀ-ի երկու հիմնական սահմանային կետերը՝ մեկը օդանավակայանն է և մյուսը Ադրբեջանի հետ սահմանը»,- ԱՄՆ Ներկայացուցիչների պալատի արտաքին հարաբերությունների հանձնաժողովի Եվրոպայի հարցերով ենթահանձնաժողովի՝ «Լեռնային Ղարաբաղի ապագան» խորագրով լսումների ժամանակ հայտարարեց ԱՄՆ պետքարտուղարի տեղակալ Ջեյմս Օ-Բրայենը։
Ըստ նրա՝ ՀՀ կառավարությունը չունի վերահսկողություն այն բեռների հետ կապված, որոնք այդ ուղիներով են անցում։ Եվ նրա կարծիքով՝ նաև սա է պատճառը, որ հրատապ է Հայաստանի ինքնիշխանության և ինքնակառավարման ապահովման համար քայլերի ձեռնարկումը․ «Սա էլ ավելի հրատապ է դարձնում այն հարցը, որ մենք պետք է ավելի կայուն ուղիներ գտնենք Հայաստանի ինքնակառավարման ապահովման համար և որ ռուս խաղաղապահները լքեն տարածաշրջանը, երբ նրանց 5-ամյա ժամկետը լրանա։ Մենք սա կարող ենք անել, եթե խորապես ներգրավված լինենք խաղաղության պայմանագրի գործընթացներում, իսկ եթե մենք մի կողմ քաշվենք, Ռուսաստանը կշարունակի վերահսկել սահմանը»։
Տաթև ՀԱՐՈՒԹՅՈՒՆՅԱՆ
