«ԱՄՆ-ն պետք է հստակ ուղերձ հղի նախագահ Ալիևին, որ ուժի կիրառումը ՀՀ ինքնիշխան տարածքի նկատմամբ՝ ներառյալ Սյունիքը, կլինի ամբողջովին անընդունելի»,-ԱՄՆ Ներկայացուցիչների պալատի արտաքին հարաբերությունների հանձնաժողովի Եվրոպայի հարցերով ենթահանձնաժողովի՝ «Լեռնային Ղարաբաղի ապագան» խորագրով լսումների ժամանակ հայտարարեց կոնգրեսական Քինը։
Նա ԱՄՆ պետքարտուղարի տեղակալ Ջեյմս Օ-Բրայենին հարցրեց՝ ի՞նչ միջոցներ է ԱՄՆ վարչակազմը պատրաստվում կիրառել Բաքվի գործողությունների նկատմամբ, Ջեյմս Օ-Բրայենը պատասխանեց․ «Մենք շարունակաբար ահազանգել ենք, որ ուժի կիրառումը Հայաստանի ինքնիշխան տարածքի նկատմամբ մեզ համար ամբողջովին անընդունելի է։ Մենք ուշադրիր հետևում ենք զորքերի տեղաշարժին, մոնիտորինգ ենք իրականացնում նաև այլ մտադրությունների հետ կապված, որոնք կարող են Ադրբեջանի կողմից պլանավորվել»։
Ջեյմս Օ-Բրայենը շեշտեց՝ Ադրբեջանին հստակորեն զգուշացրել են՝ գործարար համագործակցության հնարավորություն չի լինի, քանի դեռ խաղաղության համաձայնագիրը կյանքի չի կոչվել։
Կարդացեք նաև
Տաթև ՀԱՐՈՒԹՅՈՒՆՅԱՆ
