«Իշխանությունն ամեն տարի հայտարարում է, որ գնում է խաղաղության ճանապարհով, մի տարի դրան ասում են՝ «խաղաղության դարաշրջան», մի տարի՝ «խաղաղության խաչմերուկ: Բայց փաստը ո՞րն է․ հայրենազրկում, Արցախի հանձնում, ՀՀ-ի տարբեր բնակավայրերը թշնամուն փոխանցել․․․ Եթե առաջնորդվենք, այն հայտարարությամբ, որն իշխանությունն է հնչեցնում, բնականաբար, կապրենք այլ իրականության մեջ։ Փաստն այն է, նաեւ Մալյանի գործը հստակ ցույց է տալիս, որ միայն անունն է դատարան, կամ՝ դատավոր, քննիչ։ Նախապես գրված են որոշումներ, դրանք ունեն բացառապես քաղաքական հիմք»,- դատարանի մոտ, լրագրողների հետ զրույցում ասաց ԱԺ «Պատիվ ունեմ» խմբակցության քարտուղար Տիգրան Աբրահամյանն՝ անդրադառնալով «ՎԵՏՕ» շարժման հիմնադիր Նարեկ Մալյանի գործին:
Հիշեցնենք, Երևանի քրեական դատարանի «Կենտրոն» նստավայրի դատավոր Սուսաննա Գզոգյանն այսօր որոշում կայացրեց «ՎԵՏՕ» շարժման հիմնադիր Նարեկ Մալյանի նկատմամբ կիրառված խափանման միջոցը երկարաձգել 3 ամսով։ Նման միջնորդություն էր ներկայացրել մեղադրող դատախազը՝ պահանջելով շարունակական կալանք կիրառել:
Տիգրան Աբրահամյանն անդրադարձավ նաեւ այլ՝ ոչ հնչեղություն ստացած գործերով կանքի տակ գտնվողների խնդրին՝ հավելելով, որ բազմաթիվ մարդիկ են այսօր կալանավորված, որոնց մասին չի էլ խոսվում: Քրեակատարողական հիմնարկներ իր տարբեր այցերի ժամանակ, բազմաթիվ նման դեպքեր է բացահայտել:
Մանրամասները՝ տեսանյութում
Կարդացեք նաև
Նարեկ Մալյանի նկատմամբ դատարանի կայացրած որոշումը անարդար է համարում նաեւ միջազգայնագետ Սուրեն Սարգսյանը:
Մանրամասները՝ տեսանյութում
Նելլի ԳՐԻԳՈՐՅԱՆ
