«Մեր հողերի մասին տարիներով հետապնդած երազանքից հետո Հայաստանը դաս քաղեց ղարաբաղյան պատերազմում ու իր տեղն ընկավ։ Իսրայելը նույնպես կհիասթափվի։ Քանի դեռ մենք՝ 85 միլիոն մարդ միասնական ենք, մեզ ոչ ոք չի կարող կոտրել։ Հետևաբար ավելի ուժեղ ու ժամանակակից բանակը մեզ համար անհրաժեշտություն է»,- այսօր Թուրքիայի խորհրդարանում ասել է Էրդողանը` ելույթ ունենալով «Արդարություն և զարգացում» իշխող խմբակցության հետ հանդիպմանը, հայտնում է «Ազատություն»-ը։
«Հայոց ցեղասպանության փաստը հերքողը չպետք է մեզ բարոյականություն թելադրի»,– X-ի իր միկրոբլոգում գրել է Իսրայելի Քնեսեթի ընդդիմադիր խորհրդարանական խմբակցության ղեկավար Յաիր Լապիդը՝ անդրադառնալով Իսրայելի՝ ահաբեկչական պետություն լինելու վերաբերյալ Թուրքիայի նախագահ Ռեջեփ Թայիբ Էրդողանի հայտարարություններին:
«Մերձավոր Արևելքում չեն հարգում նրանց, ովքեր չեն հարգում իրենք իրենց։ Էրդողանն անցել է ողջամտության սահմանները։ Նրա գործողություններն ու արտահայտություններն աննկատ չեն կարող մնալ»,- ինչպես նշում է 168.am-ը, ասել է Լապիդը։
Իսրայելցի քաղաքական գործիչն ասել է, որ եթե իր կուսակցությունը ստանձնի իշխանությունը, ապա առաջին գործը, որ կանի՝ Հայոց ցեղասպանությունը ճանաչելն է։
Կարդացեք նաև
Լապիդը նաև նշել է, որ իշխանություն ստանձնելու դեպքում «կթաղեր» Թուրքիայի հետ գազամուղի գաղափարը, կաջակցեր Անկախ Քրդստանի ձևավորմանը՝ աջակցելով քրդերին:
Ըստ նրա, Թուրքիայի հետ հարաբերությունների կարգավորումը ևս ռազմավարական սխալ է եղել։
