Չեռնոգորիայում ընթացող շախմատի Եվրոպայի թիմային առաջնության երկրորդ տուրում Հայաստանի տղամարդկանց հավաքականը ոչ-ոքի է արել Խորվաթիայի հետ: Հաղթանակ գրանցել է միայն Հրանտ Մելքումյանը (լուսանկարում): Գաբրիել Սարգսյանն ու Շանթ Սարգսյանը ոչ-ոքի են արել, իսկ Հայկ Մարտիրոսյանը պարտվել է:
Երրորդ տուրից առաջ, որտեղ մեր տղաների մրցակիցը ավստրիացիներն են, Հայաստանի հավաքականը թիմային 3,0 միավորով ընթանում է մրցաշարային աղյուսակի 9-րդ հորիզոնականում:
Անհաջողության է մատնվել կանանց թիմը, որը 1,5:2,5 հաշվով զիջել է Սերբիային: Լիլիթ Մկրտչյանը, Մարիամ Մկրտչյանը եւ Էլինա Դանիելյանը կեսական միավոր են վաստակել, իսկ ահա Մարիա Գեւորգյանը պարտություն է կրել:
Երկու տուրից հետո մեր աղջիկներն ունեն թիմային 2,0 միավոր եւ 13-րդ տեղում են: Այսօր նրանք խաղում են Իտալիայի հետ:
Կարդացեք նաև
Աշոտ ՀԱԿՈԲՅԱՆ
