Շիրակի մարզի Իսահակյան համայնքի վարչական տարածքում այսօր ավտովթար է տեղի ունեցել․ ինչպես դեպքի վայրից հաղորդում է Shamshyan.com-ը, բախվել են «ՎԱԶ» մակնիշի ավտոմեքենան և «Զիլ» մակնիշի բեռնատարը: Երկու հոգի տեղում մահացել են։
Երկու մեքենաներն էլ հայտնվել են երթևեկելի գոտուց դուրս՝ դաշտամիջյան ճանապարհին, «ՎԱԶ» մակնիշի ավտոմեքենան վերածվել է մետաղյա ջարդոնի, որից դժվար թե որևէ մեկը կարողանար կենդանի դուրս գալ։
Aravot.am-ը ճշտեց, որ տեղում մահացողները երկու տղամարդիկ են, որոնց ինքնությունն այս պահին պարզում է ոստիկանությունը, իսկ բեռնատարի վարորդին տեղափոխել են Գյումրի բժշկական կենտրոն։
Կարդացեք նաև
Գյումրի բժշկական կենտրոնի փոխտնօրեն Արմեն Խաչատրյանը տեղեկացրեց, որ վարորդը հրաժարվել է ստացիոնար բուժօգնությունից, նրա մոտ եղել է կրծաքավանդակի բութ վնասվածք։
Շիրակի մարզային քննչական վարչությունում դեպքի առթիվ նախաձեռնվել է քրեական վարույթ։
Նունե ԱՐԵՎՇԱՏՅԱՆ
