ՌԴ կառավարության կողմից Լեռնային Ղարաբաղի հայերին ուղղված 40 տոննա մարդասիրական օգնություն առաջիկա օրերին Երևան կուղարկվի։ Այն ներառում է նաև շարժական էլեկտրակայան, որը կարող է էլեկտրաէներգիա ապահովել տասնյակ տների, այսօր ճեպազրույցի ժամանակ ասել է ՌԴ ԱԳՆ խոսնակ Մարիա Զախարովան։
«Մենք Հայաստանին ու ղարաբաղցի հայերին աջակցում ենք հումանիտար ոլորտում, մասնավորապես, Ռուսաստանի կառավարության գծով, հաշվի առնելով հայկական կողմի կարիքները, պատրաստվել է 40 տոննա հումանիտար օգնություն։ Մոտակա օրերին այն կտեղափոխվի Երևան»,- ասել է նա։
Օգնությունը կլինի ևս մեկ մարդասիրական քայլ՝ աջակցելու, ինչպես Մարիա Զախարովան հույս է հայտնել՝ «ժամանակավոր տեղահանվածներին»։
Կարդացեք նաև
