«X»-ի իր միկրոբլոգում Հայաստանի հատուկ հանձնարարություններով դեսպան Էդմոն Մարուքյանը ներկայացրել է տեսանյութ, որում ադրբեջանցի զինվորը տակնուվրա է անում հայ ընտանիքի լքված տունը.
«Լեռնային Ղարաբաղի ժողովրդին 10 ամիս շրջափակման մեջ պահելուց հետո Ադրբեջանը սեպտեմբերի 19-ին ռազմական հարձակում սկսեց՝ իրականացնելով հայերի էթնիկ զտումներ Լեռնային Ղարաբաղի ողջ տարածքում։
Ահա թե ինչ են անում ադրբեջանցիները հայերի լքված տների հետ, մինչդեռ միջազգային հանրությունը շարունակում էր պնդել, որ Ադրբեջանը պարտավոր է երաշխավորել հայերի իրավունքներն ու անվտանգությունը, իսկ Ադրբեջանը պատասխանում էր, թե իրենք անպայման կապահովեն այդ ամենը:
Ադրբեջանը նույնիսկ չի ապահովում հայերի դատարկ տների, այդ տներում՝ նրանց ունեցվածքի, այդ թվում՝ մանկական խաղալիքների անվտանգությունը։
Այդ վայրենությունն, այդուհանդերձ, ոչ մի պատժամիջոց կամ դատապարտում չի ստանում նույն միջազգային հանրության կողմից»,- գրել է Մարուքյանը։
Կարդացեք նաև
After keeping the people of Nagorno-Karabakh under a blockade for 10 months, Azerbaijan launched a military offensive against Nagorno-Karabakh on September 19, carrying out an ethnic cleansing of Armenians from the entire territory of Nagorno-Karabakh.
— Edmon Marukyan (@edmarukyan) November 3, 2023
Now, this is what Azeris… pic.twitter.com/rc5PTKOmm7
