Տարածաշրջանային եւ եվրասիական ինտեգրման հարցերի հանձնաժողովի նիստում ԱԳ փոխնախարար Մնացական Սաֆարյանին (լուսանկարում) ՔՊ խմբակցության պատգամավոր Խաչատուր Սուքիասյանն ասաց, որ ԵԱՏՄ-ում աշխատող հայ պաշտոնյաներ ու դեսպաններ ունենք, որոնք մեզ պիտի ասեն, թե ի՞նչ հնարավորություններ կան. «Հաշվետվություն ձեզ տալի՞ս են, որ մենք այս աշխատանքն ենք կատարել, կան այսպիսի գործարաններ, կան քաղաքական մարդիկ, որոնք Հայաստանի նկատամբ լավ են տրամադրված, այդ փաստաթղթային բազան կա՞, որի վրա աշխատեն, սկսենք գեներացնել, որ մենք շարունակություն ապահովենք ներդրումների»:
Մնացական Սաֆարյանը պատասխանեց, որ բնականաբար, այդ աշխատանքը կատարվում է, ու ԱԳՆ-ն ունի գործառույթ տնտեսական ուղղվածությամբ. «Դեսպանությունների կողմից մշտադիտարկվում են այն հնարավորությունները, որոնք կան այդ երկրում, եւ Հայաստանը որտեղ կարող է ներգրավված լինել: Առանձին դեպքերում դեսպանությունները աջակցում են տարբեր ոլորտային նախարարներին այցերի ընթացքում, պայմանավորվածությունների ձեռքբերմանը, նաեւ ստեղծում են գործարարների համար առանձին հարթակներ, որպեսզի գործարար շրջանակների հետ կապերը կոնկրետ երկրի ուղղությամբ սերտանան եւ ընդլայնվեն»:
Սուքիասյանը արձագանքեց. «Մենք կարո՞ղ ենք փակ նիստ անենք, դուք գաք ասեք, որ 2021-ին արեցինք այս աշխատանքը, բերեցինք տրամաբանական ավարտին, հանձնեցինք էկոնոմիկայի նախարարությանը, կամ էներգետիկային, ունեցանք այսքան ներդրում, ունեցանք այսքան շարունակելիություն: Կարո՞ղ ենք ձեզ մեկ ամիս ժամանակ տալ, որ այդ բոլոր փաստաթղթերը հավաքեք, հրավիրենք, հասկանանք ինչ է: Թող հանրությունն իմանա, որ ԱԳՆ-ն բավականին լուրջ աշխատանք է կատարում եւ այսօր, որ ՀՀ-ում ունենք տնտեսական աճ, նրանց ներդրումը նույնպես կա»:
Փոխնախարարը խոստացավ, որ մեկ ամիս անց այդ հաշվետվությունը կներկայացնի:
Կարդացեք նաև
Հռիփսիմե ՋԵԲԵՋՅԱՆ
