«Դուք Եռաբլուրում եղե՞լ եք երբեւէ: Չասեք, որ չեք կարողանում գնալ, որովհետեւ չեք կարողանում տեսնել այդ տեսարանը: Դուք երեխաներ ունե՞ք: Իսկ արյան հոտը զգացե՞լ եք դուք երբեւէ: Իսկ երեխային, հերիք չի, որ տվել եք պետությանը, որ պիտի գնա, ծառայի ու սպասես վերադառնա ու հայրենիքդ դավաճանեն… ու երեխայիդ ման գաս մորգերում… ո՞ր մեքենան, «Սպայկայի» ո՞ր դուռը բացես, որ երեխայիդ դին գտնես: Թե՞ վերցնում եք էս քրեական օրենսգիքը, միայն դրանից եք հոտ քաշում… Իսկ Եռաբլուրում ես տղայիս քարը համբուրելով՝ իր հոտն եմ առնում: Չէի ուզի, որ դուք էլ այդ ճակատագրին արժանանաք: Իսկ իմ պայքարը հավերժ է: 5000 տղա են սպանել ու դեռ մինչեւ այսօր ոչ ոք պատասխան չի տվել: Հարգելի դառախազ, դու երբեւէ քեզ հարց ե՞ս տվել՝ բա ո՞վ է այն դավաճանն այս երկրում, որ երկիրն այս օրի է հասել»,- այսօր, դատարանում, իր խոսքն ուղղելով մեղադրող դատախազին, այսպես ասաց 44-օրյա պատերազմում զոհված Մխիթար Գալեյանի հայրը՝ Գարիկ Գալեյանը:
Քրեական դատարանի Ավան եւ Նոր Նորք նստավայրում այսօր դատավոր Մասիս Մելքոնյանի նախագահությամբ քննվում է 44-օրյա պատերազմում զովհած Մխիթար Գալեյանի հոր՝ Գարիկ Գալեյանի խափանման միջոցի հարցը:
Գարիկ Գալեյանը, հիշեցնենք, ձերբակալվել էր 2023 թվականի սեպտեմբերի 6-ին՝ թմրամիջոցների ապօրինի շրջանառության եւ խուլիգանության համար: Հետագայում, նույն մեղադրանքով, նա կալանավորվեց:
Ապա, դիմելով դատավորին, Գարիկ Գալեյանն ասաց. «Կխնդրեի, որ ինչ որոշում էլ կայացնեք, հաշվի առնեք՝ ես ունեմ երկու բնակարան, մեկն էլ՝ Եռաբլուրում: Այս իշխանությունից ինձ մնաց բնակարան Եռաբլուրում՝ առանց դուռ, առանց պատուհան բնակարան: Ես պարտադիր պետք է այցելեմ այնտեղ, չեմ կարող»:
Կարդացեք նաև
Գարիկ Գալեյանի համոզմամբ՝ իր դեմ շինծու քրեական գործ է հարուցված:
Այլ մանրամասները՝ քիչ ուշ:
Նելլի ԳՐԻԳՈՐՅԱՆ
Գարիկ Գալեյանի լուսանկարն՝ արխիվից:
