Մեն կղզում մեկօրյա հանգստից հետո 2023 FIDE Grand Swiss մրցաշարի մասնակիցները վերսկսել են պայքարը: 7-րդ տուրում Հայաստանի ներկայացուցիչներից հաղթանակ տարել են Սամվել Տեր-Սահակյանը, Մանուել Պետրոսյանը եւ Գաբրիել Սարգսյանը:
Հաղթանակից հետո մեր շախմատիստներից լավագույն արդյունքն ունի գրոսմայստեր Սամվել Տեր-Սահակյանը (լուսանկարում), որը 4,5 միավորով բարձրացել է 15-րդ հորիզոնական: Շանթ Սարգսյանը եւ Հայկ Մարտիրոսյանը բաժանել են միավորը, իսկ Հրանտ Մելքումյանը, կանանց պայքարում Էլինա Դանիելյանը եւ Մարիամ Մկրտչյանը պարտություն են կրել:
Հաղթանակ են տոնել նաեւ ԱՄՆ դրոշի ներքո հանդես եկող Լեւոն Արոնյանն ու Սամուել Սեւյանը, իսկ Վարուժան Հակոբյանը ոչ-ոքի է արել:
Աշոտ ՀԱԿՈԲՅԱՆ
