Բաքվի ռազմական դատարանում տեղի է ունեցել Վագիֆ Խաչատրյանի շինծու գործով հերթական դատավարությունը։ Ինչպես հաղորդում են ադրբեջանական լրատվամիջոցները, նիստն ընթացել է դատավոր Զեյնալ Աղաևի նախագահությամբ։ Գործով իբր թե «տուժող» ճանաչված անձանցից ոմանք ինչ-ինչ պատճառներով չեն կարողացել ներկա գտնվել դատական նիստին, որը հետաձգվել է մինչև նոյեմբերի 6-ին։
Հիշեցնենք, որ դատական նախորդ նիստը տեղի էր ունեցել հոկտեմբերի 25-ին, որի ժամանակ ընթերցվել էին գործով այսպես կոչված «տուժողների» ցուցմունքները։ Վագիֆ Խաչատրյանը հայտարարել էր, որ չի ճանաչում այդ մարդկանց։ Ադրբեջանական իշխանությունները Վագիֆ Խաչատրյանին մեղադրում են «ցեղասպանության» իրագործելու համար։
