Կանադան և վերջինիս դաշնակիցները քննարկել են Ադրբեջանի դեմ պատժամիջոցներ սահմանելու հարցը՝ կապված նախորդ ամիս Լեռնային Ղարաբաղ ներխուժման հետ, ինչը հանգեցրել է ավելի քան 100 հազար էթնիկ հայի զանգվածային արտագաղթին Հայաստան։ Այս մասին գրում է CBC-ը՝ վկայակոչելով բարձրաստիճան դիվանագետի, որն այս մասին հայտնել է Համայնքների պալատի արտաքին գործերի և միջազգային զարգացման հանձնաժողովին։
«Քննարկումներ են եղել․․․ շարունակական բանավեճեր առ այն, թե երբ ավելի նպատակահարմար կլինի օգտագործել այդ գործիքը»,-ասել է Հայաստանում Կանադայի նորանշանակ դեսպան Էնդրյու Թերները՝ պատասխանելով արտաքին հարաբերությունների քննադատ Հեթեր Մաքֆերսոնի հարցերին:
Ելույթ ունենալով Երևանից՝ տեսակապի միջոցով, Թերները նաև ընդգծել է, որ կա վտանգ, որ պատժիչ գործողությունները կարող են խաթարել Հայաստանի և Ադրբեջանի միջև խաղաղության համաձայնագրի հասնելու ջանքերը: «Թեև չենք տեսել, որ որևէ մեկը բռնի պատժամիջոցների ուղին, բայց լսել ենք հայտարարություններ Ֆրանսիայից՝ ռազմական աջակցության հնարավորության մասին, ինչը հանգեցրեց նրան, որ Ադրբեջանը հրաժարվի նախատեսված միջազգային հանդիպումներից և քննարկումներից, որոնք կարող էին օգնել խաղաղության հաստատման գործընթացին»։
Թերների խոսքով՝ Օտտավան Բաքվին ասել է, որ պետք է երաշխավորվի Լեռնային Ղարաբաղից փախստականների վերադառնալու իրավունքը։
Կարդացեք նաև
Լուսանկարում՝ Կանադայի ԱԳ նախարար Մելանի Ժոլին եւ ՀՀ ԱԳ նախարար Արարատ Միրզոյանը
