«Միջազգային կառույցներին ու դեսպաններին խնդրում եմ Հայաստանում ընթացող գործընթացներին արձագանքել այնպես, ինչպես դա անում էին մինչև 2018 թվականը: Թե ինչո՞ւ միջազգային կառույցները դա չեն անում, թե ինչու, բացի ընդդիմադիր շրջանակներից, Հայաստանում այդպես էլ ոչ ոք չարձագանքեց Եվրոպայի խոշորագույն քաղաքական կառույցի, Սիրիայի դեմոկրատների միության ու Եվրախորհրդարանի բազմաթիվ պատգամավորների ՝ Հայաստանում առկա քաղբանտարկյալներին՝ Արմեն Աշոտյանին ու մյուսներին, ազատ արձակելու հայտարարություններին՝ թողնում եմ հանրության եզրակացությանը»,- ՀՀԿ փոխնախագահ Արմեն Աշոտյանի գործով դատական նիստից առաջ, լրագրողների հետ զրույցում ասաց ԱԺ «Պատիվ ունեմ» խմբակցության ղեկավար Հայկ Մամիջանյանը՝ անդրադառնալով հարցին՝ ինչո՞ւ են լռում միջազգային կառույցները, երբ «Եվրոպական ժողովրդավարական կուսակցությունը» հստակ արձանագրել է Հայաստանում քաղբանտարկյալների առկայության փաստը:
«Մարդու իրավունքներով, ժողովրդավարական զարգացումներով զբաղվող ցանկացած կազմակերպության պարտքն է արձանագրել, երբ հայրենասերներին, այլախոհներին, քաղաքական գործիչներին, ՀՀ խորհրդարանական խոշորագույն կուսակցության փոխնախագահին ապօրինաբար, բացառապես քաղաքական դրդապատճառներով դատում են»,- ասաց Հայկ Մամիջանյանը՝ հավելելով, որ իր համար այս լռությունը անընկալելի է:
Մանրամասները՝ տեսանյութում:
Կարդացեք նաև
Նելլի Գրիգորյան
