Հոկտեմբերի 27-ին, այսպես կոչված, «Արևմտյան Ադրբեջանի համայնքը» հայտարարություն է տարածել Ֆրանսիայի մշակույթի նախարարի կողմից Հայաստան կատարած այցի ընթացքում արված հայտարարությունների վերաբերյալ:
Հայտարարության մեջ, մասնավորապես, ասվում է. «Ադրբեջանի մասին ֆրանսիացի պաշտոնյաների անհեթեթ հայտարարություններն այլևս ոչ մեկին չեն զարմացնում:
Այս անգամ էստաֆետն ստանձնել է Ֆրանսիայի մշակույթի նախարարը՝ հայտարարելով, որ իր երկիրն «ունի Ղարաբաղի հայկական մշակութային ժառանգության արբանյակային պատկերներ և ստեղծել է տվյալների բազա:
Զրպարտություններով զբաղվելու փոխարեն ֆրանսիացի նախարարը պետք է արտահայտի իր վերաբերմունքը Հայաստանի կողմից Հայաստանում և Ադրբեջանի երբեմնի օկուպացված տարածքներում Ադրբեջանի մշակութային և պատմական հուշարձանների զանգվածային ոչնչացման վերաբերյալ»։
Կարդացեք նաև
🔹Նշվում է, որ Ֆրանսիայի այս հայտարարությունն «ակնհայտ լկտիություն է»։ Կազմակերպությունը նշել է, որ ՅՈՒՆԵՍԿՕ-ի կենտրոնակայանը չպետք է մնա Ֆրանսիայի տարածքում, որն այդ կառույցը «քաղաքականացնում է և վարկաբեկում»:
