«Հետք». Հակակոռուպցիոն կոմիտեում քրեական վարույթ է նախաձեռնվել Ազգային ժողովի նախագահ Ալեն Սիմոնյանի որդու սնանկացած կնքահոր բազմամիլիոնանոց կառուցապատման մասին «Հետքի» հոդվածի հիման վրա։ Այս մասին մեր գրավոր հարցմանն ի պատասխան հայտնել են Գլխավոր դատախազության հանրային կապերի բաժնից։
Փորձեցինք Հակակոռուպցիոն կոմիտեից պարզել՝ քրեական վարույթով ԱԺ նախագահ Ալեն Սիմոնյանը հրավիրվե՞լ է հարցաքննության կամ արդյոք արդեն հարցաքննվե՞լ է։ Կոմիտեից հարցաքննության վերաբերյալ տվյալներ չտրամադրեցին, միայն հայտնեցին, որ ընթացող նախաքննությամբ մեղադրյալի դատավարական կարգավիճակ ունեցող անձինք չկան։
Ավելի վաղ հայտնել էինք, որ Ծաղկաձորում ԱԺ նախագահի որդու կնքահոր մասնակցությամբ կառուցվող համալիրի շինթույլտվությունը խախտումով է տրվել։ Փաստն արձանագրել է Քաղաքաշինության, տեխնիկական և հրդեհային անվտանգության տեսչական մարմինը, որի հիման վրա վարչական վարույթ է սկսել։
Տիրայր ՄՈՒՐԱԴՅԱՆ
Նյութն ամբողջությամբ՝ սկզբնաղբյուր կայքում:
