Բաքվում տեղի է ունեցել Վագիֆ Խաչատրյանի շինծու գործով հերթական դատական նիստը: Ինչպես հաղորդում են ադրբեջանական լրատվամիջոցները, դատական նիստին ընթերցել են այսպես կոչված «տուժողների» ցուցմունքները, որոնք ինչ-ինչ պատճառներով չեն կարողացել ներկայանալ դատարան։
Դատախազը Վագիֆ Խաչատրյանից հարցրել է, թե ինչ կարող է ասել այդ ցուցմունքների մասին։ Խաչատրյանը հայտարարել է, որ չի ճանաչում այդ մարդկանց։ «Այդ իրադարձությունների ժամանակ ես գյուղում չեմ եղել։ Աստված կպատժի մեղավորներին։ Նրանցից շատերը ողջ չեն, մի մասն էլ հեռացել է Մեշալիից 2020թ․ իրադարձություններից հետո»,-ասել է Վագիֆ Խաչատրյանը։
Դատական հաջորդ նիստը նշանակված է նոյեմբերի 1-ին։ Հիշեցնենք, որ ադրբեջանական իշխանությունները Վագիֆ Խաչատրյանին մեղադրում են «ցեղասպանության» իրագործելու համար։
