Բաքվում տեղի է ունեցել Վագիֆ Խաչատրյանի շինծու գործով հերթական դատական նիստը. ադրբեջանական իշխանությունները նրան մեղադրում են «ցեղասպանություն» իրականացնելու համար։
Խաչատրյանի գործով դատարանում ցուցմունք են տվել մի քանի, այսպես կոչված, «տուժող»։ Ինչպես հաղորդում են ադրբեջանական ԶԼՄ-ները, դատախազը Վագիֆ Խաչատրյանից հարցրել է․ «Մտածո՞ւմ եք Մեշալի գյուղի բնակիչներից ներողություն խնդրելու մասին»: Ի պատասխան՝ Խաչատրյանն ասել է. «Ներողություն եմ խնդրում ադրբեջանցի ժողովրդից՝ այս իրադարձությունների համար, բայց ես այդ պահին այնտեղ չեմ եղել»:
Վագիֆ Խաչատրյանը նաև նշել է, որ 1991թ․մայիսի 15-ին ձերբակալվել է ոստիկանության կողմից, ինչից հետո 1 ամիս անցկացրել է Շուշիի բանտում և որևէ իրադարձության չի մասնակցել։
Ըստ տեղեկատվության՝ Վագիֆ Խաչատրյանի գործով դատավարությունը կշարունակվի վաղը։
