«3+3» ձևաչափով արտգործնախարարների հանդիպումը, որը մեկնարկել է Թեհրանում, կարող է հիմք դառնալ Հարավային Կովկասում խաղաղության և մարտահրավերներին վերջ դնելու համար։ Այս մասին հայտարարել է Իրանի ԱԳ նախարար Հոսեյն Ամիր Աբդոլլահիանը։
Ինչպես հաղորդում են իրանական ԶԼՄ-ները, Աբդոլլահիանը կարևորել է տարածաշրջանային խաղացողների և հարևանների դերը: Նրա խոսքով՝ այսօրվա հանդիպումը Հարավային Կովկասում խաղաղության, համագործակցության և առաջընթացի մասին:
Նշենք, որ Թեհրանում ընթանում է «3+3» ձևաչափով հանդիպումը։ Ձևաչափը նախատեսում է Ռուսաստանի, Իրանի, Ադրբեջանի, Թուրքիայի, Հայաստանի և Վրաստանի մասնակցություն, սակայն Թբիլիսին հայտարարեց, որ չի մասնակցելու հանդիպմանը։
