«Սահմանում այս պահին հարաբերականորեն կայուն է: Իսկ Ֆրանսիայի՝ պաշտպանության նախարարի այցի արդյունքներով մենք համապատասխան տեղեկատվություն կտրամադրենք, ամեն ինչի մասին կտեղեկանաք»,- այսօր ԱԺ-ում լրագրողների հետ ճեպազրույցում ասաց պաշտպանության փոխնախարար Արման Սարգսյանը:
Լրագրողները մեկնաբանություն էին ուզում թուրք-ադրբեջանական զորավարժությունների հետ կապված, ի՞նչ ռիսկ կա՝ հաշվի առնելով, որ ներգրավել են անգամ F-16 կործանիչներ՝ Արման Սարգսյանն ի պատասխան ասաց, որ ՀՀ ՊՆ-ն խախտումների, ապակայունացնող քայլերի մասին տեղեկատվությունը մշտապես տրամադրում է:
Լրագրողները բազմաթիվ հարցեր հնչեցրեցին՝ ինչո՞ւ Արցախ զորք չուղարկվեց՝ պաշտպանելու Արցախը, ռազմական նոր հայեցակարգ մշակվե՞լ է Արցախում տեղի ունեցած զարգացումներից հետո, Ռուսաստանը պայմանագրերով նախատեսված պարտավորությունները կատարո՞ւմ է, զենք մատակարարո՞ւմ է: Արման Սարգսյանը պատասխանեց, որ դրանք աշխարհաքաղաքական հարցեր են ու ավարտեց ճեպազրույցը այսպես. «Եկեք ես քաղաքավարության սահմանում ձեզ ասեմ շնորհակալություն, ցտեսություն»:
Կարդացեք նաև
Հռիփսիմե ՋԵԲԵՋՅԱՆ
