«Ծնողների հանդեպ բռնությունն իրականացրած ոստիկաններից որեւէ մեկը մինչեւ հիմա պատասխանատվություն չի կրել: Բոլոր իրավական դռներն ամեն անգամ ծեծել ենք, բայց որեւէ մեկը ծնողներին հաշվի չի առել, դրա փոխարեն ծնողներին վարչական տույժի ենթարկեցին, իբր ծնողներին սադրել ենք, այս ենք արել, այն ենք արել: Վերջերս էլ Երեւան քաղաքի վարչության հատուկ նշանակության գումարտակի հրամանատար, ոստիկանության փոխգնդապետ Հայկազ Ջոմարդյանը պարգեւատրվեց»,-պատասխանելով Aravot.am-ի հարցին՝ ասաց «Որդիների կանչ» հասարակական կազմակերպության անդամ, կապիտան Իշխան Պետրոսյանի այրին՝ Արուս Հարությունյանը:
«Այսօր ով ծառայում է Նիկոլին, օրվա իշխանությանը՝ արժանանում է ոսկե մեդալների ու չգիտեմ ինչերի: Ինչ ասեմ, թող զոհված տղերքի արյունն իրենց քթից գա՝ թե՛ ոստիկանության, թե՛ օրվա իշխանությանը ծառայողների: Էլի եմ կրկնում, փոխարենը ծնողներին են վարչական տույժերի ենթարկել, մինչ օրս դատերի մեջ ենք: Վերջերս Էդիկ Եղիազարյանի դատն էր, տեսնում եք, թե Գալեյանի հանդեպ ինչ է կատարվում։ Ցավում եմ, որ մեր 90-ականների ազատամարտիկները, անուններ չեմ տալիս, այսօր Ավինյան ջրաղացին ջուր լցնելով Ավինյանին դարձրին քաղաքապետ:
Վերջերս էլ Եռաբլուրում ընդհարում եղավ ծնողների եւ Երկրապահի միջեւ… Ասում էին՝ եկել ենք մեր ախպերների հիշատակին: Դուք ոնց եք նայում էդ ախպերների հիշատակին, եթե դուք ազգադավների ջրաղացին ջուր եք լցնում, այսօր Արցախը չկա, ձեր ախպերների արածը չկա, դուք ինչ-որ պաշտոնի համար Ավինյանի ջրաղացին ջուր եք լցրել: Մենք պատկանում ենք այն ծնողների խմբին, որ ոչ ծախվել են, ոչ ինչ-որ գրանտներով գրքեր են գրել, մենք PR-վելու կարիք չունենք, մեր PR-ը տղերքն են արել, ու մենք այդ խաչը կրելու ենք մինչեւ վերջ… Ու այսօր Արցախի կորուստը մեզ համար ամենացավոտն է բանն է, որ կա»,-հավելեց տիկին Արուսը:
Կարդացեք նաև
Հիշեցնենք, որ Երեւանի քաղաքապետ Տիգրան Ավինյանն իր որոշումներից մեկով ոսկե մեդալով է պարգեւատրել Երևան քաղաքի վարչության հատուկ նշանակության գումարտակի հրամանատար, ոստիկանության փոխգնդապետ Հայկազ Ջոմարդյանին, եւ ըստ մամուլում տարածված տեղեկությունների՝ 2022թ սեպտեմբերի 21-ին հենց նրա հրամանով են Եռաբլուրից բռնությամբ բերման ենթարկվել զոհվածների ծնողները:
Գոհար ՀԱԿՈԲՅԱՆ
ջոմարդյանը և մյուս կարմիր բերետավորները հայրենասիրությունիցու բարոյականությունից զուրկ և փողին մեռած մարդիկ են, որոնք Հայաստանում թուրքի շահերն են ապահովում։ Մարդկությունը մի կողմ են դրել և զոհվածի հարազատի կամ մի ուրիշ ուրիշ հայրենասերի նկատմամբ անասնական ուժ ու վերաբերմունք են կիրառում։ Դրանք բոլորը թալեաթներ են և պակասում է միայն յաթաղանը։ Դրանք թուրքից վախեցողներ են և նրա հետ երբևէ չեն կռվել, բայց կռված տղերքի ծնողներին հոշոտող բորենիների բանակում հաճույքով են ծառայում։