Նիկոլ Փաշինյանի կողմից Հայաստանի շահերին դավաճանելու և Հայաստանի գոյությանը սպառնացող վտանգի մասին ՀՀ պաշտպանության նախկին նախարար, Նիկոլ Փաշինյանի նախկին խորհրդական Արշակ Կարապետյանի հայտարարության հիման վրա առանձին քրեական վարույթ չի նախաձեռնվել։ Այս մասին «Փաստինֆո»-ի գրավոր հարցմանն ի պատասխան հայտնել են ՀՀ դատախազությունից։
Հիշեցնենք, որ ՀՀ ՊՆ նախկին նախարար Արշակ Կարապետյանը հայտարարել էր նաեւ, որ արժանահավատ տեղեկություններ ունի, որ հենց կառավարության ղեկավարը, վախենալով իր աթոռի համար, ադրբեջանցիներին խնդրել է ձերբակալել Ռուբեն Վարդանյանին ու նրան թույլ չտալ` գալ Հայաստան:
«Փաստինֆո»-ն դեռեւս հոկտեմբերի 5-ին գրավոր հարցում էր ուղարկել ՀՀ գլխավոր դատախազին՝ խնդրելով հայտնել, թե արդյոք վարույթ նախաձեռնվել է Ա. Կարապետյանի սկանդալային հայտարարությունների առնչությամբ, քանի որ բանավոր հարցումներին դատախազությունը հրաժարվում էր պատասխանել։
Գրավոր հարցումից 13 օր անց միայն, այսինքն օրենքով նախատեսված ժամկետի խախտմամբ, հաջողվեց ստանալ պատասխան դատախազությունից, որը վկայում է Նիկոլ Փաշինյանի կողմից առերեւույթ հանցավոր արարքները ՀՀ դատախազության կողմից հովանավորվելու մասին։ Այն է՝ վարույթ չի նախաձեռնվել, զննության է ենթարկվել ինչ-որ վարույթի շրջանակներում։
Կարդացեք նաև
«ՀՀ ՊՆ նախկին նախարար Արշակ Կարապետյանի հայտարարությունը զննության է ենթարկվել ՀՀ ՔԿ ԶՔԳՎ ՀԿԳ քննության վարչությունում քննվող վարույթով և դարձվել քննության առարկա՝ նույն քրեական վարույթով նախաքննության ընթացքում»,- «Փաստինֆո»-ի գրավոր հարցմանն ի պատասխան հայտնել են ՀՀ գլխավոր դատախազությունից՝ այլ մանրամասներ չհայտնելով:
Թե կոնկրետ որ վարույթին է կցվել հայտարարությունը՝ հստակ չի նշվում։ Այսինքն՝ խուսափել են նշել կոնկրետ որեւէ տվյալ, ինչը թույլ կտար հետագայում ապահովել հանրային վերահսկողությունը «քննության» արդյունքների նկատմամբ։
Մանրամասները՝ սկզբնաղբյուր կայքում:
