Նիդեռլանդների խորհրդարանը ձայների մեծամասնությամբ ընդունել է երկու միջնորդություն, որոնցից մեկը վերաբերվում է Հայաստանին ռազմական աջակցություն ցուցաբերելուն, իսկ մյուսը՝ Լեռնային Ղարաբաղում էթնիկ զտումներին։ Այս մասին ասվում է Նիդերլանդների հայկական կազմակերպությունների դաշնության հաղորդագրությունում։
Ռազմական օգնության մասին միջնորդության մեջ խորհրդարանը նշում է, որ Լեռնային Ղարաբաղ ներխուժելուց հետո Ադրբեջանը հայտարարել է Հայաստանի վրա հարձակվելու հետագա ծրագրերի մասին, և խնդրում է կառավարությանը, ինչպես նաև ԵՄ անդամ մյուս երկրներին դրական արձագանքել Հայաստանի հնարավոր ռազմական աջակցության խնդրանքին:
Ինչ վերաբերվում է երկրորդ միջնորդությանը, ապա օրենսդիրը Թագավորության գործադիր մարմնին խնդրում է որոշել՝ արդյոք ավելի քան 9 ամիս շրջափակումից և Ադրբեջանի զինված ուժերի հարձակումից հետո հայերի արտագաղթը Լեռնային Ղարաբաղից համապատասխանում է էթնիկ զտում սահմանմանը, թե ոչ։
Նշենք, որ Բաքուն շտապել է քննադատել Նիդերլանդների խորհրդարանի որոշումը։ Այդ երկրում Ադրբեջանի դեսպան Ռախման Մուստաֆաևը փաստաթուղթը որակել է որպես ոչ կառուցողական, որը «տարածաշրջանը տանում է ռազմականացման, այլ ոչ թե Հայաստանի ու Ադրբեջանի միջև խաղաղության»։
