«Միջնորդությունը մերժվել է»,- Aravot.am-ին փոխանցեցին Երևանի ընդհանուր իրավասության քրեական դատարանի դատավոր Վահե Միսակյանի աշխատակազմից։
Նշենք, որ ՀՀ երրորդ նախագահ Սերժ Սարգսյանի, «Բարսեղ» ՍՊԸ սեփականատեր Բարսեղ Բեգլարյանի, Գևորգ Հարությունյանի գործով դատական նիստի ընթացքում պաշտպանության կողմը միջնորդել էր փորձաքննություն իրականացնել։
Aravot.am-ի հետ զրույցում պաշտպան Ամրամ Մակինյանն ասաց, որ չի մասնակցել նիստին․ տեղյակ չէ դատարանի որոշումից։
Հիշեցնենք՝ նախորդ դատական նիստի ընթացքում Ամրամ Մակինյանն արձանագրեց, որ ստացված տվյալները ցույց են տալիս, որ «Մաքսհուր» ընկերությունը չէր կարող նման ծավալի մատակարարումներ իրականացնել։ 2013թ ընթացքում «Մաքսհուր» ընկերությունը «Ֆլեշ» և «Սի Բի Էս» ընկերություններից ձեռք է բերել ընդհանուր առմամբ 2 մլրդ 53 մլն 745 հազար 794 դրամի ապրանքներ, և, եթե ընկերությունն ի վիճակի լիներ նման մատակարարումներ իրականացնելու, ապա ապրանք ձեռք չէր բերի ընկերություններից։ Պաշտպանության կողմը միջնորդել էր փորձաքննություն իրականացնել։ Այդ միջնորդությունը դատարանը մերժեց։
Կարդացեք նաև
Տաթև ՀԱՐՈԻԹՅՈՒՆՅԱՆ
