Aravot.am-ի տեղեկություններով՝ շաբաթներ առաջ արտառոց դեպք է տեղի ունեցել Արցախից բռնի տեղահանված քաղաքացու մասնակցությամբ:
ՀՀ մի քաղաքացի ոստիկանությունում հաղորդում է տվել՝ պատմելով, որ Արցախից տեղահանված մի քաղաքացու եղբայր «Եռաբլուր» գնալիս իր «ՈՒԱԶ» ավտոմեքենան կայանել է Երևան-Արտաշատ ՃՈ հենակետում, որից հետո ճանապարհային ոստիկանները իրենց հենակետը լքելով մոտեցել են նշված մեքենային, փականը «քանդել», սրահը տակնուվրա արել: Ըստ այդ քաղաքացու՝ մեքենայի սրահում եղել է քաղաքացու ոսկեղենը և 500.000 դրամ, սակայն ճանապարհային ոստիկանների ստուգումից հետո նշված գումարը պակասել է:
Ըստ հաղորդման՝ մեքենայի տերերը ոստիկանության ծառայողներից պահանջել են ներկայանալ, սակայն ոստիկանները ագրեսիվ պահվածք են դրսեւորել, «արա»-ով խոսել, հարվածներ հասցրել մեքենայի տերերին:
Ավելի ուշ իրավապահները պարզել են, որ նշված մեքենան վարել, կայանել է ԼՂՀ, Մարտակերտի շրջանի, Վերին Հոռաթաղ գյուղի բնակիչ, որը հայտնել է, որ իր մեքենայից ոչինչ չի գողացվել, ինքը չի ունեցել 500.000 դրամ գումար, այլ 200.000 դրամ գումար, ինչպես նաեւ հայտնել է, որ ոստիկանության ծառայողներն իր մեքենայի սրահը տակնուվրա չեն արել: Քաղաքացին հայտնել է, որ ոստիկանների հետ վիճաբանություն է եղել, քաշքշել են իրենց, հարվածներ հասցրել: Ոստիկանների գործողությունների վերաբերյալ նշանակվել է ծառայողական քննություն:
