«Ապագա Հայկականը» շարժման նախաձեռնող, «Ավրորա» մարդասիրական նախաձեռնության համահիմնադիր, Արցախի նախկին պետնախարար Ռուբեն Վարդանյանի առեւանգման եւ ադրբեջանցիների կողմից նրան առաջադրված անհիմն մեղադրանքների առնչությամբ մտահոգ են բազմաթիվ միջազգային հանրային գործիչներ, ճանաչված գործարարներ, լրագրողներ:
Ստորեւ ներկայացնում ենք դրանցից մի քանիսը:
Հասարակական-քաղաքական գործիչ, նախկին պատգամավոր Կարեն Գրիգորյանը գրում է. «Էֆենդի Փաշինյանը մտավախություն ուներ, որ Վարդանյանը Հայաստանում ժողովրդական մեծ աջակցություն ունի, և Արցախի վերջին կապիտուլյացիայից հետո փաշան կկորցնի իշխանությունը հօգուտ Վարդանյանի, ուստի խնդրեց իր Բաքվի թուրք ղեկավարներին անել հնարավորը՝ Ռուբեն Վարդանյանին կալանավորելու համար։ Փաշան ճանապարհից, ամեն դեպքում ժամանակավոր: Ռուբեն Վարդանյանը հայ ժողովրդի նվիրյալ զավակն է և իր հայրենիքի բացառիկ հայրենասերներից»:
Կարդացեք նաև
Մեր հայրենակից, հայտնի ֆուտբոլիստ Հենրիխ Մխիթարյանը գրել է, որ միանում է հայրենակիցների պահանջին՝ ազատ արձակելու Ռուբեն Վարդանյանին և մյուս բոլոր ձերբակալված հայերին. «Քանի որ տասնյակ հազարավոր ընտանիքներ փախչում են Լեռնային Ղարաբաղից՝ Հայաստանում ապահով ապաստարան փնտրելու համար, կալանավորումը դառնում է մտահոգիչ միտում: Ռուբեն Վարդանյանն առանձնանում է որպես խաղաղության բացահայտ ջատագով ոչ միայն մեր տարածաշրջանում, այլ ամբողջ աշխարհում։ Նա միջազգայնորեն ճանաչված բարերար է, գործարար և «Ավրորա» մրցանակի համահիմնադիրը, մարդասիրական նախաձեռնություն, որն աջակցում է խաղաղության կառուցմանը և կրթություն և առողջապահություն է տրամադրում ամբողջ աշխարհի մարդկանց»:
Հայ ձեռներեցների ասոցիացիայի և «Տաշիր գրուպի» նախագահ Սամվել Կարապետյանն էլ նշել է, որ Վարդանյանին ճանաչում է որպես իսկական հայրենասերի, որը ժողովրդի հետ միասին անցել է իր հայրենիքին պատուհասած ծանր փորձությունների միջով. «Ռուբենը հայտնի է առաջին հերթին որպես մարդասեր, բարերար, մարդ, ով շատ բան է արել բարեգործության ոլորտում Ռուսաստանում, Հայաստանում, իրականացրել միջազգային մարդասիրական նախաձեռնություններ։ Հորդորում եմ ՀՀ արտաքին գործերի նախարարությանը անհապաղ միջոցներ ձեռնարկել ՀՀ քաղաքացի Ռուբեն Վարդանյանի վերադարձի համար»:
Ռեժիսոր Սարիկ Անդրեասյանն այսպիսի գրառում է արել. «Ռուբենի հետ խոսել եմ մոտ երկու ամիս առաջ, նա ինձ ասաց, որ Արցախում է լինելու մինչև վերջ և այնտեղ իրեն երջանիկ է զգում, քանի որ կարող է մարդկանց հույս տալ և օգնել։ Ռուբենի հետ շփվելուց հետո միշտ հպարտ էի զգում, որովհետև նա խոսում էր ապագայի մասին՝ նայելով 20-30 տարի առաջ, ինչպես պետք է անի իսկական տեսլական ունեցող քաղաքական գործիչը»:
Լրագրող և քաղաքական գործիչ Մաքսիմ Շևչենկոն նշել է, որ Ռուբեն Վարդանյանն իրեն տղամարդավարի է պահում և հավատարիմ է իր հռչակած գաղափարներին. «Նա կարող էր փախչել, բայց մինչև վերջ մնաց իր ժողովրդի հետ։ Սա չի կարող անձնական հարգանք չառաջացնել նրա նկատմամբ»։
Լրագրող և բլոգեր Կիրիլ Շուլիկայի խոսքով՝ Ռուբեն Վարդանյանը մեկնել է Լեռնային Ղարաբաղ ու փորձել իր գումարի մի մասը ծախսել այնտեղ, փորձել օգնել կառավարման հմտություններով. «Նա հիանալի հասկանում էր, որ եթե դա չստացվի, իրեն կարող են սպանել, իսկ լավագույն դեպքում՝ բանտարկել։ Նման իրավիճակում մարդիկ սովորաբար լքում են հայրենիքը, բայց Վարդանյանը գնացել է հայրենիք։ Սա իսկական հայրենասերի և խիզախ մարդու օրինակ է։ Եվ իսկապես պետք է հույս ունենալ, որ հրաշք կլինի եւ միջազգային հանրության ճնշման տակ Ադրբեջանը համաներում կհայտարարի նման մարդկանց։ Բայց ես հավատում եմ, որ նման արարքից հետո մարդ ամենասարսափելին է համարում ոչ թե բանտ նստելը, այլ հայրենիքը կորցնելը։ Չեմ կասկածում, որ այժմ Վարդանյանը հաստատ կընդգրկվի Հայաստանի պատմության գրքերում, թեպետ դրանցում շատ քիչ տեղ կա գործարարների համար»։
Հոգեբանության դոկտոր, քաղաքական գործիչ, հրապարակախոս Ալեքսանդր Ասմոլովն էլ այսպես է նկարագրել Ռուբեն Վարդանյանին. «Մարդ, ով աղետի ժամանակ չի լքել իր ժողովրդին, երեխաներին ու մեծերին՝ Ռուբեն Վարդանյանը, չպետք է կրկնի մեծ ուսուցիչ Յանուշ Կորչակի ճակատագիրը, ով իր երեխաների հետ մանկատնից մտել է գազախցիկ։ Եկեք ամեն ինչ անենք, որ Ռուբեն Վարդանյանը վերադառնա հարազատների, ընտանիքի մոտ, որպեսզի ցեղասպանության նոր ալիքը Հայաստանի և Ադրբեջանի ժողովուրդներին չտանի»:
Լրագրող Աննա Մոնգայթը նշել է. «Ադրբեջանցի զինվորականները ձերբակալել են գործարար Ռուբեն Վարդանյանին, ով ժամանակին ինձ հիացրել է իր մարդասիրական գաղափարներով։ Նա և իր կինը՝ Վերոնիկան, իրենց անձնական գումարից 100 միլիոն դոլար են ներդրել Դիլիջանի միջազգային դպրոցում: Մենք նկարահանեցինք նրանց և այս հիանալի դպրոցը «Հովանավորներ» ծրագրի համար: Հետո մեկ այլ մանրուք ապշեցրեց ինձ՝ Ռուբենն ու Վերոնիկան որոշեցին իրենց երեխաներին դրամական ժառանգություն չթողնել, ավելի ճիշտ՝ նրանց թողնել ժառանգություն ավելի լավ աշխարհ, որի վրա ուզում էին ազդել կրթական նախագծերի միջոցով»:
Պրոդյուսեր և լրագրող Թինա Կանդելակին այսպիսի մտահոգություն է հայտնել. «Առայժմ նրան մեղադրում են միայն ահաբեկչության ֆինանսավորման մեջ, բայց պարզ է, որ այստեղ հոդվածները կարող են անորոշ ժամանակով կցվել։ Բացարձակապես քաղաքական հարց. տղամարդուն իրականում պատանդ են վերցրել. Բոլորս էլ հասկանում ենք, որ Ռուբենը սոսկ հայ ժողովրդի հզորության խորհրդանիշը չէ, նա վաղուց Կովկասում ռուսական քաղաքականության հենասյուներից է։ Իսկ Ադրբեջանի համար սա խորհրդանիշն է այն ամենի, ինչի դեմ արժեր պայքարել։ Հայ անկախության, համառության, անսանձ էներգիայի դեմ»։
Պատրաստեց Հռիփսիմե ՋԵԲԵՋՅԱՆԸ
