Առաջին հերթին քաղաքապետն է որոշում, թե ում է նշանակում քաղաքապետարանի աշխատակազմում վարչության պետ։ Այս մասին այսօր քաղաքապետի երդմնակալության արարողությունից հետո լրագրողների հետ ճեպազրույցում ասաց Երեւանի քաղաքապետ Տիգրան Ավինյանը՝ պատասխանելով դիտարկմանը՝ «Հանրային ձայն»-ի հիմնադիր «Դոգ» մականունով Վարդան Ղուկասյանն ասում է՝ շինբարեկարգման վարչության պետի պաշտոնում առաջադրելու է Արթուր Չախոյանի թեկնածությունը, տեսնեմ ոնց չեն ընտրի։
Ավինյանի խոսքով՝ այո, վարչության պետի պաշտոնի համար մրցույթ է տեղի ունենում․ «Բայց եթե քաղաքապետի քաղաքական կամքը չլինի նշանակել կոնկրետ անձի կոնկրետ վարչությունում որպես պատասխանատու ղեկավար, այդ մարդը ուղղակի չի նշանակվի»:
Լրագրողի հիշեցմանը, որ նախկին քաղաքապետ Հայկ Մարությանը կոնկրետ անձի դեպքում հրաժարվեց նշանակում անել, Ավինյանը պատասխանեց․ «Կներեք, բայց նախկինում ինչքան մոտիկ, հարազատ, բարեկամ, «պռարաբ» եւ «մեբելի» դիզայներ կար, վարչության պետեր էին այստեղ: Այդ նույն մրցույթով անցկացվող վարչության պետեր»։
Անդրադառնալով կադրային քաղաքականությանը, քաղաքապետն ասաց՝ կադրային քաղաքականությունը քարի վրա փորագրած սեպագիրը չէ․ «Կադրային քաղաքականությունը շատ դինամիկ փոփոխվող բան է եւ կադրերը պետք է կարողանան ապահովեն արդյունք եւ կարողանան լուծել երեւանցիների խնդիրները․ «Ես ինքս շատ արդյունքամետ մարդ եմ, չափում եմ յուրաքանչյուր կադրի աշխատանքը իր տված արդյունքով։ Ես նույնիսկ հայտնի էլ չեմ իմ մտերիմներին, բարեկամներին այստեղ-այնտեղ տեղավորելով: Արդյունքամետ լինելն ամենաէֆեկտիվ ճանապարհն է յուրաքանչյուր քաղաքական պաշտոնյայի համար»։
Կարդացեք նաև
Նելլի ԲԱԲԱՅԱՆ
