«Լեռնային Ղարաբաղում ռուս խաղաղապահների մնալ-չմնալու հարցը միայն մեզնից չէ կախված կամ մեզնից չէ կախված»,- այս մասին Հանրային հեռուստատեսությանը տված հարցազրույցում ասաց վարչապետ Նիկոլ Փաշինյանը։
«Մենք գիտենք նաեւ, որ այդ թեմայով Ռուսաստանի Դաշնությունը որոշակի քննարկումների մեջ է Ադրբեջանի հետ, մեզ հետ էլ ունենք քննարկումներ։ Եվ Լեռնային Ղարաբաղում մնալ-չմնալու հետ կապված ես չեմ կարող շատ ուղիղ պատասխան տալ»,- հավելեց նա։ Հարցին, եթե խաղաղապահները դուրս գան Արցախից, հնարավո՞ր է գան Հայաստան, Նիկոլ Փաշինյանը պատասխանեց․ «Գան Հայաստան, ի՞նչ անեն։ Կներեք, բայց ես դրա մեջ տրամաբանություն չեմ տեսնում, որովհետեւ նրանք Լեռնային Ղարաբաղում ՌԴ խաղաղապահ զորախումբն են։ Եթե նրանք Լեռնային Ղարաբաղից դուրս են գալիս, ուրեմն պետք է գնան Ռուսաստան։ Ուրիշ հարց՝ իրենք Ադրբեջանով կգնան դեպի Ռուսաստան, թե՞ Հայաստանով կգնան։ Բայց Հայաստանում նրանց մնալու իրավական ոչ մի հիմք եւ հիմնավորում չկա եւ չի կարող լինել»։
Ռոզա ՀՈՎՀԱՆՆԻՍՅԱՆ
