«Ապրելու երկիր» կուսակցության համահիմնադիր Մեսրոպ Առաքելյանը ֆեյսբուքյան իր էջում գրում է.
«Նիկոլ Փաշինյանի արտաքին քաղաքականության խայտառակ վիճակն իր կառավարման, դիվանագիտական ունակությունների իսպառ բացակայության հետևանքն է։
Հայաստանի արտաքին քաղաքականությունը սահմանափակվում է հանդիպումներով, ելույթներով, այնինչ անհրաժեշտ է ամենօրյա դիվանագիտական աշխատանք, ինչն անում են բոլոր նորմալ երկրները։
Սակայն, երբ նայում ես մեր դեսպանների ցանկն առաջին հերթին մեզ համար ռազմավարական կարևորություն ունեցող երկրներում, հասկանում ես, որ նրանք լավագույն դեպքում կարող են քաղաքային գիդ աշխատել։
Կարդացեք նաև
Դիվանագիտական կորպուսն անհրաժեշտ է համալրել ոչ միայն հմուտ դիվանագետներով, այլ նաև` այդ երկրներում ազդեցություն ունեցող մարդկանցով, որոնց վստահաբար կարելի է գտնել հենց սփյուռքում։
Փոփոխվող աշխարհում Հայաստանը շարունակում է մոլորվածի պես իր տեղը փնտրել՝ չունենալով որևէ ռազմավարություն»։
