ԵՄ-ում Հայաստանի դեսպան Տիգրան Բալայանը հայտարարել է, որ իր երկիրը Ադրբեջանի կողմից ներխուժում է սպասում շաբաթների ընթացքում․ գրում է Brussels Signal-ը։
Տիգրան Բալայանի խոսքով՝ Լեռնային Ղարաբաղի կապիտուլյացիայից հետո Ադրբեջանը հարձակվելու է հենց Հայաստանի վրա։ Նա նաև ընդգծել է, որ միջազգային իրավունքը հարգելու Ադրբեջանի խոստումները սին են։
«Մենք այժմ գտնվում ենք Հայաստան ներխուժման անմիջական վտանգի տակ»,- ասել է նա։
Ադրբեջանին կանգնեցնել չի լինի, եթե վերջինս «չառերեսվի այսպես կոչված «հավաքական Արևմուտքի» գործնական քայլերին»։
Կարդացեք նաև
Լրատվամիջոցը, հիշեցնելով Լեռնային Ղարաբաղի կապիտուլյացիայի մասին, գրում է, որ Հայաստանի պնդմամբ՝ այժմ Ադրբեջանի նախագահ Ալիևը ավելին է ցանկանում, խոսքը մասնավորապես «Զանգեզուրի միջանցքի» մասին է։
Միևնույն ժամանակ՝ Բալայանը բլեֆ է որակել Բրյուսելում Ադրբեջանի դեսպանի հայտարարությունը, թե իր երկիրը միջազգայնորեն ճանաչված Հայաստանի տարածքի հետ կապված ծրագրեր չունի։ Նա մեջբերել է նախագահ Ալիևի նախկին հայտարարություններն այն մասին, որ Ադրբեջանը «կհետապնդի հայերին շների պես»։
Brussels Signal-ը հիշեցնում է Ալիևի խոսքերը Թուրքիայի նախագահի հետ հանդիպմանն այն մասին, որ «Զանգեզուրը ադրբեջանական պատմական հող է»։
Բալայանը կարծում է, որ Եվրամիությունը պետք է վերջնաժամկետ ներկայացնի Ալիևին՝ Հայաստանի սահմանից իր զորքերը դուրս բերելու համար, հակառակ պարագայում պետք է դադարեցնի ԵՄ-ի հետ Ադրբեջանի՝ առանց վիզայի համաձայնագրի գործողությունը։ Դեսպանի խոսքով՝ «անհատական պատժամիջոցները կարող են հստակ ազդանշան լինել»։
Բալայան Տիգրան եւ մյուսներ՝այնպիսի տպավորություն է որ ալիեվը չգիտի հաջորդ քայլը որը պետք է անի եւ դուք հուշում եք՝ամեն այդպիսի հայտարարություն կարդալուց ժողովուրդը ավելի խորն է գլուխը մտցնում ուսերի մեջ եւ ավելի պակաս է դառնում ինքնապաշտպանության ընդունակ- – –