Նախարարի տեղակալ Ռաֆայել Գևորգյանի գլխավորությամբ հոկտեմբերի 4-ին կայացել է ՓՄՁ ենթախորհրդի հերթական նիստը։ Նիստին մասնակցել են Ֆինանսների նախարարի տեղակալ Ավագ Ավանեսյանը, ՊԵԿ ստորաբաժանումների ղեկավարներ և այլ շահագրգիռ գերատեսչությունների ներկայացուցիչներ, ինչպես նաև ՎԶԵԲ Հայաստանի ներդրումային խորհրդի անդամները։
🔹Նիստի բացմանը Ռաֆայել Գևորգյանը ենթախորհրդի անդամներին ներկայացրել է Լեռնային Ղարաբաղից բռնի տեղահանվածների տնտեսական գործունեության իրականացման հնարավորությունների ստեղծմանն ուղղված Էկոնոմիկայի նախարարության աշխատանքները, ինչպես նաև հայտնել այդ ուղղությամբ ենթախորհրդի անդամների հետ համատեղ քննարկումներ իրականացնելու նախարարության պատրաստակամության մասին:
Նիստի ընթացքում քննարկվել են նաև օրակարգային մի շարք հարցեր՝ գնման պայմանագրից ծագող դրամական պահանջի զիջման դիմաց ֆինանսավորման (ֆակտորինգի) պայմանագրի կնքման համար իրավակարգավորումների ներդրման, բանկային գաղտնիքին վերաբերող կարգավորումների նախագծի վերաբերյալ։
Կարդացեք նաև
ՀՀ էկոնոմիկայի նախարարություն
