Երևանի ավագանին այսօր մոտ 15 րոպե տված արտահերթ նիստում որոշեց փոփոխություններ կատարել Երևանի ավագանու կանոնակարգում:
Երևանի քաղաքապետի տեղակալ Սուրեն Գրիգորյանի ներկայացմամբ՝ հոկտեմբերի 10-ին, Ընտրական օրենքով սահմանված կարգի համաձայն, Երևանի ավագանու կողմից պետք է ընտրվի Երևանի քաղաքապետ, գործող օրենսդրությամբ առաջին դեպքն է, երբ քաղաքապետ չի նշանակվում ուժերից մեկի 50 տոկոսից ավել ձայն չհավաքելու պայմաններում:
«Ուստի ուսումնասիրելով կանոնակարգը, պարզվել է, որ այդ նիստը կազմակերպելու մասը կանոնակարգում սահմանված չէ։ Բացի այդ՝ օրենքում կա կետ, որ չնայած բաց քվեարկությանը, այն պետք է անցկացվի քվեաթերթիկներով: Առաջին հերթին կանոնակարգի փոփոխությունները միտված են այդ բացը լրացնելուն, բացի այդ քանի որ կանոնակարգը օրենքի փոփոխությունից հետո փոփոխությունների չի ենթարկվել ՝ փորձել ենք մի շարք թերություններ շտկել»,– նշեց Գրիգորյանը:
Հիշեցնենք, որ սեպտեմբերի 17-ի Երևանի ավագանու ընտրությունների արդյունքում քաղաքական որևէ ուժ չհավաքեց 50 և ավելի ձայն:
Կարդացեք նաև
Մանրամասները՝ տեսանյութում
Լուսինե ՄԱՐԳԱՐՅԱՆ
