Քաղաքակրթական և մշակութային հետազոտությունների կենտրոնի հետազոտող Աննա Դավթյան-Գևորգյանի ֆեյսբուքյան գրառումը
Եթե ուզում ենք քաղաքական դաշտում կանանց ներգրավվածության հարցը քվոտաների հույսին չմնա, ԱԺ նախագահի երեկվա՝ պատգամավոր Աննա Մկրտչյանի հասցեին ասածներից հետո, որևէ նման ելույթից հետո քաղաքական դաշտում ցանկացածը, իսկ առավել ևս ԱԺ նախագահը պիտի պատասխանատվության ենթարկվի (իր դեպքում հրաժարականի պատճառների մի հսկա ցուցակ կա արդեն, բայց բոլորն էլ առանձին հիշատակման արժանի)։
Ու դա նախևառաջ պիտի տեղի ունենա իր իսկ խմբակցության անդամների պահանջով (հատուկ չեմ առանձնացնում խմբակցության կին անդամներին, որովհետև քաղաքական բարեկրթության ոտնահարման հանդեպ ու սեռով պայմանավորված վիրավորական արտահայտություններ ցույց տվողի հանդեպ պիտի անհանդուրժող լինեն բոլորը՝ անկախ սեռից)։
Իսկ եթե ուզում ենք քաղաքական դաշտի առողջացման (ֆանտաստիկայի ժանրից է հնչում, իհարկե) ծիլեր ունենալ, ապա և՛ պատգամավոր Մկրտչյանը, և՛ ԱԺ նախագահը վաղուց, շատ վաղուց պիտի այդ շենքում չլինեին։
