ՌԴ ԱԳՆ պաշտոնական ներկայացուցիչ Մարիա Զախարովան ճեպազրույցի ընթացքում մեկնաբանել է Լեռնային Ղարաբաղի նախկին նախագահների, Ռուբեն Վարդանյանի և այլ անձանց ձերբակալությունները: Հարցին, թե Ռուսաստանն ինչ է անում այդ մարդկանց ազատ արձակելու համար, Զախարովան պատասխանել է․ «Չեք շփոթե՞լ հարցի հասցեատիրոջը․․․ եթե ցանկանում եք հարցնել, թե ինչ է անում Հայաստանը, պաշտոնական Երևանը՝ իր քաղաքացիներին օգնելու համար, ապա հարցը պետք է ուղել Հայաստանի պատկան մարմիններին»։
ՌԴ ԱԳՆ պաշտոնական ներկայացուցիչը նաև ընդգծել է, որ այդ մարդիկ ՀՀ քաղաքացիներ են, որոնցից մեկը հրաժարվել է Ռուսաստանի քաղաքացիությունից, ոմանք էլ ի սկզբանե միայն ՀՀ քաղաքացիություն են ունեցել։ «Մենք պաշտոնական կամ ոչ պաշտոնական դիմումներ չենք ստացել, եթե հաշվի չառնենք տեղեկատվական ոլորտը և այնտեղ ասվածի մի մասը», – հավելել է նա։
