Հայաստանում ռուսական ռազմակայանի տեղակայման հարցում Մոսկվան ելնում է համապատասխան պայմանավորվածություններից։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով հարցին, արդյոք ռուսական կողմը Երևանից ակնկալում է բացասական քայլեր՝ Հայաստանում ռուսական ռազմակայանի ապագայի հարցում։
«Բոլոր դեպքերում մենք ելնում ենք թղթի վրա արձանագրված մեր պայմանավորվածություններից։ Երկրորդ՝ կոնկրետ կարձագանքենք կոնկրետ քայլերին, իսկ ենթադրել, թե ինչ կարող է լինել, դրանով զբաղվում են վերլուծաբանները: Մենք մեկնաբանություններ ենք տալիս ընթացիկ, արդեն կատարված իրադարձությունների վերաբերյալ կամ այն իրադարձությունների, որոնք հաստատ տեղի են ունենալու: Եթե խոսում ենք ռուսական դիրքորոշման մասին, ապա այն արձանագրված է համապատասխան փաստաթղթերում»,- նշել է Զախարովան։
