Իրանագետ Ժաննա Վարդանյանի «Իրանն այսօր» տելեգրամյան ալիքից տեղեկանում ենք.
📌ԻՀՊԿ «Աշուրայի» շտաբի (հյուսիս-արևմուտք) ղեկավար Ջալիլ Բաբազադե. «Այսօր ոմանք փորձում են ներկայացնել, թե Իրանն աջակցում է Հայաստանին, միանգամայն սուտ է. մենք մեր շահերն ու ազգային անվտանգությունն ենք պաշտպանում:
📍Մենք ՀՀ հետ 46 կմ սահման ունենք: Այն դեպի արտաքին աշխարհ Իրանի հաղորդակցական ուղիներից է, որը եթե արգելափակվի կամ սահմանափակվի, վնասելու է Իրանի շահերին ու ազգային անվտանգությանը: Մենք դա որևէ մեկին թույլ չենք տալու:
📍Հայաստանի տարածքով Նախիջևանի հետ հաղորդակցական երթուղի ստեղծելու մասին Բաքվի պնդումներն ուղղված են հանրությանը մոլորեցնելուն: Նշված միջանցքի էությունն իրականում տարածաշրջանի սահմանների ու աշխարհաքաղաքականության փոփոխությունն է՝ հօգուտ ՆԱՏՕ-ի ու օտարների:
Կարդացեք նաև
📍Չնայած Բաքվի կառավարությունը մեզ ասել է, որ սահմանների վրա աչք չունեն, սակայն, նրանց գործողություններից ելնելով, մենք վստահություն չունենք և ամենայն զգոնությամբ հետևում ենք տարածաշրջանի զարգացումներին:
📍Հոգևոր առաջնորդի կարգադրությունը հստակ է և 100 տոկոս իրագործելի: Հետևաբար, եթե հոգևոր առաջնորդի հրամանի դեմ որևէ գործողություն ձեռնարկվի, վճռականորեն կդիմակայենք և դա բազմիցս փորձարկել ենք. մեր զորավարժությունները Հայաստանի ու Ադրբեջանի համար չեն, այլ Իրանի ազգային շահերի, անվտանգության ու ժողովրդի պաշտպանության»:
