Արցախից բռնի տեղահանված և Հայաստան ժամանած 100 հազար 625 արցախահայերից այսօրվա դրությամբ հաշվառվել են 95 հազար 711 հոգի, այսինքն` առավել քան 95 տոկոսը: Այս մասին այսօր հերթական ճեպազրույցում հայտնեց վարչապետի մամուլի քարտուղար Նազելի Բաղդասարյանը
Այս պահին արդեն հաշվառվել է Արցախից բռնի տեղահանված շուրջ 29 հազար երեխա, որոնցից, 0–5 տարեկան 7 996, 6–19 տարեկան` 21 266 երեխա։
«4 145 երեխա արդեն ներառված են ՀՀ կրթական տարբեր հաստատություններում։ Դա ընդհանուր դպրոցահասակ երեխաների շուրջ 20 տոկոսն է կազմում; Բաշխվածությունը հետևյալն է` Սյունիքի մարզ` 285, Վայոց Ձոր` 112, Գեղարքունիքում` 179, Արարատի մարզում` 758, Կոտայքում` 800, Արագածոտնի մարզում` 223, Արմավիրում` 410, Շիրակում` 177, Լոռիում` 185, Տավուշում` 161 և Երևանում` 850 երեխա»,– նշեց Բաղդասարյանը։
Հայաստանի տարբեր բուժհաստատություններում շարունակում է բուժում ստանալ 345 բուժառու. նրանք Արցախից Հայաստանի Հանրապետություն էին տեղափոխվել օդային և ցամաքային ճանապարհներով: «Նրանցից 102-ի վիճակը շարունակում է մնալ ծանր, 37-ինը՝ ծայրահեղ ծանր: Վերակենդանացման բաժանմունքներում ունենք 9 երեխա»,- հավելեց նա:
Կարդացեք նաև
Մանրամասները՝ տեսանյութում
Լուսինե ՄԱՐԳԱՐՅԱՆ
